26.01.2018 tarixdə M.Topçubaşov adına Elmi Cərrahiyyə Mərkəzi , cərrahiyyə yönümlü (ümumi cərrahiyyə ,neyrocərrahiyyə , ürək-damar cərrahiyyəsi, ginekologiya, urologiya və s. ) ixtisaslar üzrə təhsil alan rezidentlər və həkimlər üçün “Cərrahiyyədə baş verən səhvlərin anatomiyası və onlardan qorunma yolları” mövzusunda professor Q.Müslümov tərəfindən məruzə oxunmuşdur.Məruzədə Azərbaycanın müxtəlif bölgələrindən və Bakı şəhərindən gəlmiş 40 dan artıq həkim iştirak etmişdir.. Məruzə gedişində ümumiyyətlə insanın səhv etmə fəlsəfəsi ,buna aparan yollar ,bunun əsas səbəbləri və ondan qorunma yolları müxtəlif prizmalardan analiz olunmuşdur.Cərrahiyyədə baş verən bəzi səhvlərə gətirən səbəblər xüsusi video-materiallar üzərində analiz edilmiş ,yorğunluğun ,stressin,xəstə amillərinin həkimi səhv etməyə necə sövq etməsi barədə çox geniş analitik yanaşma verilmişdir.Daha sonra əsasən cərrahi səhvlər ,onların baş vermə mexanizmləri,cərrahi əməliyyatlarda baş verən səhvlərdən necə qorunma yolları da etibarlı mənbələrə istinad edilməklə elmi cəhətdən araşdırılmışdir.Sonda iştirakçıların sualları ətrafında maraqlı diskussiyalar aparılmışdır.Xatırladaq ki ,bu məruzələr Səhiyyə Nazirliyi və M. Topçubaşov adına Elmi Cərrahiyyə Mərkəzinin birgə lahiyəsidir və il ərzində oxunacaq məruzələrin tam siyahısı,mövzusu və təqvim planı haqqında http://gurbanmuslumov.com/ saytından və Səhiyyə Nazirliyinin saytından məlumat almaq mümkündür.
Məruzələrdə iştirak etmək pulsuzdur. Xatırladaq ki, növbəti leksiya 02.03.2018 tarixdə “Açıq və laparoskopik cərrahiyyədə istifadə edilən müasir düyünvurma texnikaları”mövzusunda olacaqdır
Maraqlanan hər bir kəs iştirak etmək üçün bu linkdən online qeydiyyatdan keçməlidir.https://docs.google.com/forms/d/e/1FAIpQLSfb-WLdi8cAa-ByrgAuEEMaf35ZFj6_mdyZELa3v3AXz54z-g/viewform
