2018-ci ildən başlayaraq M. Topçubaşov adina Elmi Cərrahiyyə Mərkəzinin cərrahı, Azərbaycan- Almaniya Tibbi Əməkdaşlıq Cəmiyyətinin sədri, Almaz Akademie Tibbi Treyninq Mərkəzinin rəhbəri , Azərbaycan Minimal İnvaziv və Endoskopik Cərrahlar Cəmiyyətinin Prezidenti , professor Q.Müslümov tərəfindən cərrahiyyə yönümlü (ümumi cərrahiyyə ,neyro cərrahiyyə , ürək-damar cərrahiyyəsi,ginekologiya, urologiya və s. ) ixtisaslar üzrə təhsil alan rezidentlər üçün rezidentura təhsili proqramına uyğun olaraq Azərbaycan Respublikası Səhiyyə Nazirliyinin təşkilati dəstəyi ilə tibbin, cərrahiyyənin müxtəlif problemlərinə həsr olumuş məruzələr və seminarlar təşkil ediləcəkdir. Bu məruzə-seminarlardan birincisi 25.12.2017-ci il tarixdə M. Topçubaşov adına Elmi Cərrahiyyə Mərkəzinin mühazirə zalinda keçirilmişdir . Məruzənin mövzusu “ Elektrocərrahiyyənin əsas prinsipləri ,koaqulyasiya və bu barədə biz nələr bilirik “ olmuşdur. Məruzə zamanı elektrocərrahiyyənin tarixi ,növləri və bu bunun haqqında ümumi cərrah nələr bilməlidir, cərrahiyyədə istifadə olunan enerji növləri ,onların doğru istifadə edilməməsi baş verə biləcək ağirlaşmalar,onların profilaktikası barədə məruzə ilə yanaşı həm də əyani nümayişlər olmuş ,mövzu ətrafında canlı disskusiyalar təşkil edilmişdir. Məruzələrdə iştirak etmək pulsuzdur. Maraqlanan hər bir kəs iştirak edə bilər.Lakin bunun üçün hər kəsin məruzənin başlanmasına bir gün qalmışa qədər onlayn olaraq qeydiyyatdan keçməsi vacibdir.
2018-ci ildə hər ayın sonunda baş tutacaq mühazirə-treyninqlərin siyahısını nəzərinizə çatdırırıq